502,229 views 242 on YTPak
324 37

Published on 03 Jan 2011 | over 6 years ago

ye dhoke pyar ke dhoke main ne dil pe sahain hain ro ro ke kisi se koi pyar na kare ( movie ) bewafaa sanam very sweeeet shaery i love this song

Hijar ke mosam main ye baarish ka barsna kaisa?
Ik sehra se sumandar ka guzarna kaisa ?
Ay mere dil pareshaan na ho tanha ho kar...
Woh tere saath chala kab tha, bichhrna Kaisa?
Log kehte hain, Gulshan ki tabaahi dekho...
Main Veraan sa jungle tha, Ujarna kaisa ?
Dekhne main To koi dard nahi, dukh bhi nahi,
Phir ye aankhon main youn aashkon ka Ubharna kaisa ?
BE-WAFA kehne ki jurrat bhi na karna...
Us ne IQRAAR kiya kab tha, Mukarna Kaisa ?

Dil ka Aalam
samay samay kii Khalish mein teraa malaal rahe
judaaiiyon mein bhii yun aalam-e-visaal rahe
anaa kii jang mein ham jiit to gaye lekin
phir us ke baad bahut der tak nidhaal rahe
raah-e junun mein yahii zaad-e-raah hotaa hai
ke justajuu bare divaanagii bahaal rahe
hasiin raaten bhii mahaken tumhaarii yaadon se
kare dinon mein bhii pal pal teraa Khayaal rahe
tuu ek baar zaraa kishtiyan jalaa to sahii
hai kyaa majaal ke ek lamhaa bhii zavaal rahe

Mera Hall
tere jesa mera bhi haal tha na sukoon tha na qarar tha
ye ho umr thee mere humnahen ke kisi ko mujh se bhi pyar tha
mein samajh raha hon teri kasak tera mera dard hai mushtarak
isi gam ka to bhi aseer hai isi gam ka mein bhi shikar tha
faqat ek dhun thee ke raat din isi khawab zaar mein gum rahen
wo surror aisa surror tha wo khumar aisa khumar tha
kabhi lamha bhar ki guftugo meri os ke sath na ho saki
mujhe fursaten na mil saken wo hawa ke rath pe sawar tha
hum ajeeb tarz ke log thai hamare aur hi rog thai
mein khizan mein tha os ka muntazir ose intezar bahar tha
ose parh ke tum na samajh sake ke meri kitab ke roop mein
koi qarz tha kaii roz ka kaii ratjagon ka odhar tha

Itnay Dinoon k Bad
itane dinon ke baad tuu aayaa hai aaj
sochataa hun kis tarah tujh se milun
mere andar jaag uthii ik chandanii
main zamiin se aasaman tak ek ang hun
aur ujalaa ho gayaa qurbat kaa chand
aur gaharaa ho gayaa teraa fusun
ai saraapaa rang-o-nikahat tuu bataa
kis dhanak se teraa pairaahan bunun
saare gul_buute tar-o-taazaa hue
duur tak pahunchii hai merii mauj-e-Khun
kar rahe hain lamhe lamhe kaa hisaab
mil ke phir baiThe hain yaaraan-e-junun
dasht-e-Gam kii dhuup mein mujh par khulaa
main Khud apanaa saayaa-e-diivaar hun
naaz kar Khud par ki tuu hai beshumaar
qadr kar merii ki main bas ek hun

Loading related videos...