28,860 views 142 on YTPak
216 7

Published on 29 Jul 2012 | over 4 years ago

Clik Show More and get Full Noha Write Up

Haye zehra teri tanhai hai tanhai ali ki

haye gham may tere jaati rahi beenayi ali ki
teri tanhai hai tanhai ali ki

darbar may zaalim ke gayi binte payambar
kya waqt tha kuch kar na saka faatahe khyber
haye haste rahe ghurbat pe tamashayi ali ki
teri tanhai hai....

paighame wilayat liye ghar ghar gayi zehra
shohar ke liye dhaal thi jab tak rahi zinda
haye dunya ko batati rahi sachayi ali ki
teri tanhai hai....

kehte thay ali zehra se kya haal hai bibi
ab hum ko salam aake bhi karta nahi koi
haye hai baade nabi kaisi pazeerayi ali ki
teri tanhai hai....

dar jalta hua fatema zehra pe giraya
mohsin ki shahadat ka sabab bangayi dunya
haye tasveer mukammal nahi ho payi ali ki
teri tanhai hai....

baahar kabhi hujre may kabhi qabre nabi par
har raat ki tareeki may aulaad se chup kar
haye nikli hai tujhe dhoondne beenayi ali ki
teri tanhai hai....

zahra ki judai ko lagaye hue dil se
pachees baras maula ne chup chaap guzare
haye ek hujre may kul dunya simat aayi ali ki
teri tanhai hai....

us waqt takallum wo zamane ka wali tha
sajjad jo zainab ko liye shaam se guzra
haye islam ko khamoshi bacha laayi ali ki
teri tanhai hai....
Source :- www.nohayonline.com/TanhaiAliKi.html

Loading related videos...