76,279 views 128 on YTPak
245 15

Published on 07 Mar 2011 | over 5 years ago

Ranjish hi sahi sang by Ustad Mehdi Hassan Khan Sahab & written by great urdu poet Ahmed Faraz Sahab
Ranjish hi sahi dil hi dukhaane ke liye aa
aa phir se mujhe chhor ke jaane ke liye aa

pehle se maraasim na sahi phir bhi kabhi to
rasm-o-rahe duniya hi nibhaane ke liye aa

kis kis ko bataayenge judaai kaa sabab ham
tu mujh se khafaa hai to zamaanay kay liye aa

ab tak dil-e-khush_feham ko tujh se hain ummeedain
ye aakhari shammain bhi bujhaane ke liye aa

ek umr se hun lazzat-e-giryaa se bhi mehruum
aye raahat-e-jaan mujh ko rulaane ke liye aa

kuchh to meri pindaar-e-mohabbat ka bharam rakh
tu bhi to kabhi mujh ko manaane ke liye aa

Loading related videos...