45,347 views 218 on YTPak
121 8

Published on 23 Jul 2012 | over 4 years ago

1st Annaul Urass Mubarik Baba Muhammad Sadiq


سُن مہتئے اسیں ہاں ناگ کالے پڑھ سیفیاں زہد کمانونیں ہاں
مکر فن نوں بھن کے صاف کر دے جن بھوت نوں ساڑ وکھاونیں ہاں
نقش لکھ کے پھوک یسین دیئے سائے سول دی ذات گوانونیں ہاں
دکھ بلائے تے جائے تنگی قدم جنہاں دے ویہڑیاں پاونیں ہاں
سنیں تسمیہ پڑھاں اخلاص سورت جڑھاں ویردیاں پٹ وکھاونیں ہاں
دلوں حب دے چائے تعویذ لکھئے اسیں رٹھڑے یار ملاونیں ہاں
جیہڑا مارناں ہووے تاں کیل کر کے ایتوار مسان جگاونیں ہاں
جیہڑے گھبرو توں رہے رن وٹر لونگ مندر چائے کھواونیں ہاں
جیہڑے یار نوں یارنی ملے ناہیں پھل مندر کے چائے سنگھاونیں ہاں
انہاں وہوٹیاں دے دکھ درد جاندے پڑھ ہک تے ہتھ پھراونیں ہاں
کیل ڈائیناں کچیاں پکیاں نوں دند بھن کے لٹاں مناونیں ہاں
جاں سحر جادو جری بھوت کدی کنڈا کیل دوالے دا پاونیں ہاں
کسے نال جے ویر کرودھ ہووے اوہنوں بھوت مسان چمڑا ونیں ہاں
برا بول دی جیہڑی جوگیاں نوں سرمن کے گدھے چڑھاونیں ہاں
جیندے نال مدپڑا ٹھیک ہووے اوہنوں بیر بتال پہنچاونیں ہاں
ایس کھیڑیاں دے گھروں اک بوٹا حکم رب دے نال پٹاونیں ہاں
وارث شاہ جے ہور نہ داوَ لگے سر پریم جڑیاں چائے پاونیں ہاں

Loading related videos...