33,484 views 124 on YTPak
48 4

Published on 15 Oct 2010 | over 6 years ago

Saaqiya Ek Nazar
Singer: Ataullah Khan Esa Khailvi
Poet: Ahmed Faraz

Saqia aik nazar jaam se pehle pehle

Hum ko jana hai kahin shaam se pehle pehle



Khush ho ae dil ke mohabbat to nibhaa di tune

Log ujar jaate hain anjaam se pehle pehle



Ab tere zikr pe hum baat badal dete hain

Kitni raghbat thi tere naam se pehle pehle



Saamne umr pari hai shab-e-tanhaai ki

Woh mujhe chor gaya shaam se pehle pehle



Kitna acha tha ke hum bhi jiya karte they Faraz

Ghair maaroof se gumnaam se pehle pehle

Loading related videos...